РыбаSOS.org

У Мінску адбылася творчая акцыя “Рыбны дзень” у абарону культавай сталічнай крамы

Вечарам 25 красавіка у мінскім Палацы мастацтва адбылася творчая акцыя “Рыбны дзень” у абарону культавай сталічнай крамы “Рыба”. У яе межах прайшла прэзентацыя новага нумара часопіса “Тэксты”.  Літаратурна-мастацкі праект “Тэксты” — гэта прастора вольнай думкі, тут ідзе сутыкненне футурыстычных ідэяў, наватарства і традыцыі. Чарговы, 12-ы, нумар часопіса прысвечаны марской тэматыцы i краме “Рыба” па вуліцы Карла Маркса. Пагалоска аб закрыцці гэтай крамы выклікала ў творчых колах абурэнне, вынікам якога і сталі выхад новага нумара “Тэкстаў” і яго прэзентацыя. У праекце ўзялі ўдзел больш за трыццаць аўтараў. 

Ярыла Пшанічны

У “Рыбны дзень” у Палацы мастацтва выступілі літаратары Зміцер Вішнёў, Лёлік Ушкін, Вiкторыя Бiран, Ярыла Пшанічны, Анка Упала, Вера Бурлак , Віктар Жыбуль, музыканты Уладзiслаў Бубен, BARFLY’S DREAMS, RoomDark, Spit it Out, Talstou і іншыя творчыя асобы. Перформансы прадэманстравалі Тэатр псіхічнай неўраўнаважанасці і Юрась Барысевіч.

Л.Ушкін паведаміў, што група ўдзельнікаў акцыі “Рыбны дзень” вырашыла стварыць інтэрнет-радыёстанцыю “Рыба” — “будзем маўчаць як рыбы”.
belapan.com